الموضوع: استفسارات بخصوص الاستثمار فى ارباحك (حتى لا يتم النصب علينا مره اخرى)

Tweet

اولا انا مش ريس

انا بنت

ثانيا
مش عشان حد ضحك عليك
يبقى هنا كمان حيضحك علينا

ومش حقول اكتر من كدا
صوابعك مش زى بعضها

ولعلمك
انا كنت حشارك معاكوا فى موضوع هيثم ده
وكنت ححول فلوس
بس لان هنا فى ناس محترمين وبيفهموا حذرونى
ولفتوا نظرى لحكايه النسبه الثابته
يعنى من الاصل
انك توافق على انك تاخد نسبه ثابته ده يعتبر حرام

المشاركة الأصلية كتبت بواسطة ahmedbasha

شكر ياريس وكلنا كنا بنقول كده فى الاول بردو علشان كده انا مش زعلان:d

الظاهر الصدمة مأثرة لدرجة انك مش واخد بالك ان اللى كتب الرد بنت مش ولد
يعنى مش ريس :d

على العموم انا عارف الكلام ده كله يا باشا والله وناس كتير حكتلى عليه
وانكوا تعرفوه كويس وقابلتوه كذا مرة واكلتوا معاه عيش وملح والكلام ده

بصراحة ربنا يكون فى عونكو وانا مش عارف اقول ايه

بس برضة بكرر هنا مش الجيل العربى
ولو تفتكر فى ناس لو تفتكرها حظرتكوا كتير من النسبة الثابتة
زى سلطان او محمد سلطان مش فاكر شفت ليه موضوع هناك تقريباً

يا جماعه يا جماعه سبق واتكلمت امبارح في الحوارات دي

وقولت هناقش الموضوع ولما الموقع يجهز ونبداء هنكون ريحنا الجميع عيب بقا كدا

مش كل شوية واحد هينطلنا ويعيد الكلام دا قمسا بالله انا اقترحت الكلام دا علي الأدمن قبل ما حد ييجي هنا ويقول كلمه واحده

وقولت بعد الي حصل من هيثم مستحيل المشروع يمشي من غير ما كل الناس تشوف الحساباات وتشوف الشغل فيه ماشي اذاي

يريت كلنا نهدي ونريح دماغنا ولما نخلص الموقع وبنتدي شغل من جديد ونفتح المشروع لو ملقناش حل يريحنا جميعا

يبقا اعملو وقولو الي انتو عايزينو ........

سبحان الله

المشاركة الأصلية كتبت بواسطة smi1523

ممكن صورة أو دليل على أنك تعمل في الفوركس لأنني تعرضت للنصب من قبل ولا أريد أن يتكرر هذا مجددا

اولا الردود مش هتتشال كل واحد عندو حاجه يطلعها واحنا هنريح الجميع

ثانيا بقا يريت يا جماعه نقفل الكلام في الموضوع دا لحد حتي فتره التيست بتاع الموقع

يعني قبل بدايه المشروع بأسبوع كدا هاجي وافتح موضوع للنقاش

واقول اقتراحات للمشروع

ونتكلم في كل حاجه والحاجه الي انتو هتجمعو عليها هنعملها وهنريح الجميع فيها

وعلي فكره الأستيتامنت ممكن تتزور بسهوله وبدون ما حد يحس

يعني لو احنا مشروع نصاب مثلا انا كنت قولتلك ماشي

ومكنتش نزلت ستيتامنت كل اسبوع لاء كنت نزلتهالك كل يوم بس انا والله بخاف علي الأعضاء اكتر من الي بيطلبو ستيتامنت ذات نفسهم

ولما فكرت في اذاي نطمن الأعضاء مفكرتش في ستيتامنت

فكرت في باسورد الزوار بتاع الحساب

شكرا واتمنا الكل يتفهم كلامي وميتكلمش في الموضوع دا تاني

ولو مفتحتش موضوع للنقاش قبل ما المشروع يبتدي يبقا كل الناس تقول الي هيه عايزاه في اي مكان

لاكن كدا عيب اوي اوي اوي

السلام عليكم ورحمة الله وبركاته

بداية أنا مقدر شعوركم جميعا ومش حاخد على كل كلامكم على الرغم من ان كتير منه جارح وده لأنى عارف اللى حصل معاكم كلكم.

بس أحب أوضح مجموعة نقط وحرد على أسئلة أى حد ان شاء الله.

أولا: المنتدى هنا متواجد من قبل منتدى الجيل العربى بفترة طويلة والحمد لله. وده حساب هيثم الشامى هنا فى منتديات أرباحك

http://www.arba7ak.com/forum/members/2163.html

تاريخ التسجيل: 26 فبراير 2009
أخر نشاط: 5 مارس 2009

وهو طلب منى يعمل عرض الفوركس بتاعه فى المنتدى هنا وأنا طلبت منه ضمان مالى بنفس قيم المبالغ المودعه من الأعضاء وطبعا رفض لأنى لم أكن أريد أن ينصب على أى شخص هنا. وعلى فكرة كل العروض اللى فى المنتدى هنا بنفس الطريقة. يعنى احنا مش بنسمح ان حتى عضو ينصب على عضو تانى.

وعلى فكرة فيه ناس تانيه غير هيثم برضوا طلبوا يعملوا نفس المشروع وأنا رفضت.

احنا يمكن اللى ماشيين على خطى بطيئة شوية لأننا بنحاول ندرس كل شئ كويس قبل المضى فيه. ومشروع الفوركس ده كان من أول المشاريع اللى فكرنا فيها من البداية ولكن إتأجل كتير لحد ما نستقر على شكل نهائى له. ومش حضحك عليكم برضه استعجلنا فى طرحه لأنه كان لازم يبدأ بعد ما ننتهى من الموقع بتاعه بالكامل وده ما حصلش واحنا موقفينه حاليا تماما لحين النتهاء من الموقع الخاص به وتنظيمه بشكل أفضل من ذى قبل.

ثانيا: ضمانات ايه الى بتتكلموا عليها ؟؟؟ هى فيه ضمانات أكثر من اللى كنتوا واخدينها من هيثم ؟؟؟؟ مقابلات شخصية ومكتب رسمى ووصولات أمانة وتليفونات وغيرها كتييييييييييييييييييييييييير. هل حاجه من دى نفعت لما نصب ؟؟؟ الضمانات مش هى الحل. احنا أعلننا عن تقديم خدمة إدارة حسابات. وان شاء الله نبدأ فيها فى أقرب وقت. اللى عنده شك اذا كنا بنضارب ولا لأ يتفضل يفتح حساب باسمة فى الشركة اللى بنتعامل معاها واحنا نديره له ويشوف بنفسه اذا كنا بنضارب ولا لأ. وحتبقى فلوسه باسمه محدش حيقدر يقرب منها غيره. محدش يعتقد انى لما أحط صور من حساباتى ان ده حيكون ضمان مانا ممكن ألعب فى الصور وأحطها بأى شكل لو عايز ! صح ولا الفوتوشوب صعب ؟؟ أنا مش ملزم بوضع صور حساب لأنى بصراحه مش مقتنع بيها كوسيلة ضمان ... بس الى عايز يشوفها فهى موجوده فى موضوع ادارة الحسابات.
خلاصة النقطة دى الضمانات مهما كانت مش حتمنع حد انه ينصب لو عايز ينصب. يبقى الحل هو لو عندك شك 1 % لا تتعامل معنا. لو عايز تجرب جرب بمبلغ صغير علشان تطمئن. ومش حنطلب منك تكبر المبلغ ولو حبيت تسحب فلوسك أى وقت اسحبها. ده الموضوع ببساطه.

على فكرة المشروع متوقف حاليا لفترة اعادة تنظيم وعمل الموقع. وعمرنا ما عملنا دعايا عن مشروعنا بأى شكل والحمد لله الأعضاء المشتركين كتير بدون دعايا. ولو كان المشروع قائم على النصب كنت شغلته بسرعه دلوقتى علشان ألحق أخد الناس الى اتنصب عليهم فى الجيل العربى وكنت عملت البحر طحينة وحطيت لكم اثباتات الدنيا والأخرة علشان الناس تطمن ... وعلى فكرة الكلام ده مفيش أسهل منه انما احنا زى ما احنا متوقفين ومش حنبدأ تانى إلا لما أكون واثق 1000 % اننا حنمشى صح. وكل أموال المستثمرين الحالية تحت أمر أى حد يريد السحب حتى لو كل الأعضاء سحبوا كل مبالغهم بالكامل بكل أرباحها.

فياريت نفكر شوية ونفرق بين التصرفات.

ثالثا: المشروع هنا مختلف تماما عن مشروع الجيل العربى فى الفكر حتى. احنا مش بندى نسب ثابته احنا بنعطى ربح وخسارة يعنى يوم لما نخسر حتقل فلوس المستثمرين. طبعا ده احتمال بعيد انما وارد. وزى ما قال الأخ ronny فى موضوع تانى احنا كنا فى مجهود وضغط عصبى رهيب لمحاولة اللحاق بمشروع هيثم ونسبته العالية وكان من ضمن أسباب توقيف مشروعنا اعادة التنظيم للنقطة دى والحمد لله ان الحق ظهر جليا ان مشروع هيثم لم يكن له علاقة بالفوركس من قريب أو بعيد !

وده ردى على استفساراتكم:

المشاركة الأصلية كتبت بواسطة AhmedBasha

بسم الله الرحمن الرحيم

طبعا اولا ان مش عامل الموضوع علشان اشكك فى نزاهه حد او اشك فى اى حد ومحدش يدخل يقول اعداء النجاح ومش عاوز حد يدخل يدافع عن حد انا عاوز الاستاذ الكريم مدير الموقع هو بنفسه هو اللى يدافع ويفسر واللى عاوز يشارك فى الموضوع اللى عنده استفسار بس يعنى اى واحد هيدخل يدافع يبقى بيعمل اسبااااااااام ومعلهش لو كان الموضوع فى المكان غير المناسب ومعلهش لاخى الكريم صاحب الموقع على الموضوع بس انا معذور بردو وكلنا عارفين ايه اللى حصل مع ********* هيثم ا*************

اولا : طبعا انا عارف ان الاستاذ صاحب المشروع بيحط استيامنت طيب كويس انا اعرف ان الاستيايمنت ده بتاعته ازاى وليه متكونش بتاعت حد تانى هو بياخدها منه

ثانيا : انا شايف موقعك نسخه مكرره من موقع هيثم زياده عليها بعض الحاجات البسيطه التى كانت تعتبر اخطاء هيثم فما ردك على هذا الكلام
ثالثا : ليه متحددش حد اقصى للاستثمار وليكن الف او الفين دولار وده هيكون حاجه فى صالحك لاننا كده هنتاكد من عدم النصب

اى شى تانى هفتكره هذكره هنا

معلش أخى أنا مش فاهم ماذا تقصد باستيايمنت دى .. لو كتبت المصطلح الانجليزى أو وضحت معنا كويس أرد عليك ان شاء الله.

بالنسبة لموقعى فهو كما ترى منتدى ... لو تقصد الأقسام بتاعته فأنا أقدر أجيب لك أكثر من 100 منتدى عربى على الأقل فيهم نفس التقسيم ده ونفس الأقسام وده لا يعيب أحد. محدش بيروح سوبر ماركت يقوله انت عندك نفس المنتجات اللى موجوده فى السوبر ماركت اللى جنبك !!
لو تقصد من ناحية المحتوى والتوجه فأنا أعترض معاك بشده وأرى انك محتاج تتصفح الموضوعات جيدا وحتلاقى اختلاف كبير بيننا وبين أى منتدى سواء كان الجيل العربى أو غيره وده والحمد لله من مجهود السادة المشرفين مش من فراغ.
لو بتتكلم على مشروع الفوركس تحديدا فبرضه الوضع مختلف كتير عن الجيل العربى وأنا وضحت النقطة دى فى مشاركتى فوق.

بالنسبة للحد الأقصى هو ده حيحصل بس مش بالشكل اللى بتقول عليه. الاستثمار حيكون خطط. يعنى مثلا خطة 1 استثمار مبلغ 100 دولار لمدة شهر مثلا وخطه اتنين 1000 دولار لمدة سنه مثلا وهكذا. كل واحد ممكن يختار الخطة اللى هو عايزها ... بس ممكن تختار تضاعف أى خطة يعنى ممكن تختار 5 خطط مثلا من نوع معين بحيث يكون المبلغ الإجمالى 5000 مثلا أو زى ما تحب.
وضع حد أقصى للإستثمار حيخلى الناس اللى عايزه تستثمر مبلغ كبير بتحايلوا على الموضوع ده ويعملوا أكثر من حساب فى الموقع ... طيب ليه ؟ كل واحد يحط بنفسه الحد الأقصى بتاعه ... اللى شايف 1000 دولار دول كتير خلاص لا يستثمر أكثر من 1000 دولار.

أتمنى أكون جاوبت على كل استفساراتكم وأى استفسار تانى أنا موجود للرد بإذن الله.

وبالتوفيق للجميع وياريت تدعولنا ربنا يتم مسيرتنا على خير ان شاء الله.

أعتذر للجميع تم نقل جميع المشاركات اللى تخص الموضوع هنا لأنها كانت فى كل مكان فى المنتدى ولم ولن يتم حذف أى شئ الا لو كانت فيها اساءة طبعا.