الموضوع: برنامج حوار صريح جدا جدا :: الحلقة الرابـــ 4 ــــة

Tweet

حوارك مع "مجهول "خايف تضربيه ضرب

لا انا مش شريره للدرجه ما تخافش


-------------------------

السلام عليكم

وعليكم السلام اهلا وسهلا


1.ما هى امنتيتك التى تريدها بقوة ؟
انت لئيم على فكره
بتمنى انى اكون سعيده مع اللى قلبى ااختاره
2.اجمل وقت لك ؟
لما بكون معاكوا ووجعلكوا دماغكوا
3.احسن اكل بتعمليه ؟
بعرف اعمل كل انواع الاكل المصرى والله
4.ما هو غذائك المفضل ؟
البيتزاااااو مارجريتا
5.شخص لا تنسى فضله عليكى ؟
فى المنتدى مصطفى
ف حياتى العاديه مدرس اللغه العربيه اللى كان بيدرس لى فى اولى ثانوى واسمه رأفت
وهو اول شخص عرفنى ازاى اكتب خاطره كويس لانه اصلا كان شاعر وله كتب فى الشعر

6.أفضل اسم ولد ؟
لا بعينك مش حقول
7.أفضل اسم بنت ؟
شيرين وعنان
8.ماهو حلمك الذى لم يتحقق بعد ؟
بصراحه احلامى كتير ولغايه دلوقت مفيش غير الربع اللى اتحقق
9.ايه اللحظة اللى عشتيها كنتى تتمنى انها تطول العمر كله ؟
ياهوووووووو
ايه الذكاء دا
تفتكر انى حقولها يعنى اكيد لاء
بس هى لما كنت فوق السحاب مع .....؟؟؟؟
10.باقة ورد لمن تهديها ؟
ل دودى حبيبتى
11.النار لمن تهديها ؟
لك انت
12.هل حققت كل طموحاتك في الحياة ام لا ؟

لا لسه ما حققتش ولا حلم

13.اول حرف من اسمك الحقيقى ؟
ســــــ
14.اية رايك فيا بقى ههههه ؟
واد غلس
15.ايه شعورك بعد كل الاسئلة دى ؟
حاسه ان ضهرى وجعنى من كتر الاعده السوده ديه
16.ياترى عرفتى انا مين ؟
طبعا يا هوندا
c.r7

ميرسى لك كتير يا حسن ورايى فيك مش زى ما قلته طبعا

انت اخويا الصغير وربنا ينجحك ان شاء الله

maram

-------------------------

-هل تبحثين عن نصفكـ الاخر؟
لا هو اللى بيبحث اصل مشغوله شوى

-
هل انتى معقده؟ولو معقده ايه عقدتك؟
لا لا معقده ايه بس انا تمام خالص
-هل تشعرين بالملل؟
احيانااااا

-هل لديك ذوق باختيار ملابسك؟
الى حد ما
-هل لديك الشجاعه والصراحه ان تقولى اسمك بالمنتدى؟
عادى ممكن بس مش حقوله طبعا
-هل انتى مخطوبه؟
حصلى الشرف مره
بس حاليا لاء

-ما الصفه الي تطلق عليكـ غالبا؟
مجنونه وبارده

-من هو العضو الى مزهقكـ فى المنتدى؟
لا هو مش واحد دول كثير
عندك يوسف وحوار صريح وتوفيق
-هل انتي حنونه؟
لدرجه انى ممكن اعمل حاجات اندم انى عملتها
-هل كذبتى مره كذبه جامده واستمريتى بها؟؟
يعنى
ممكن
بس الحمد لله خلصت منها سليمه
هل تحسين ان فى شىء ناقص فى حياتك ؟
ايوااااا
- هل ندمتى على قرار اخذتيه فى حياتك؟
يعنى هو مش ندم قوى بس قلت ياريت ما كنت عملت
بس طبعا الندم مش كان صح لانى اتأكدت انه مش صح

- هلتحسي انك مظلومه؟
لا مش بسمح لحد يظلمنى
-هل انتى غيوره؟
جداااااااااااااااااااااااااااااااااا
-هل انتي عصبية؟
اوهوهو انا زفت قوى طبعا

- ايه السر في تألقك الدائم وابداعاتك ؟

ربنا يخليكى مرام
هو مفيش اسرار ولا حاجه
ديه طبيعتى اصلا
بحب اعمل كل حاجه تقربنى من الناس

- كم عدد اخواتك و ما ترتيبك بينهم؟

بنتين وولدين
وكلهم اكبر منى ومتجوزين
انا الصغيره طبعا

- ما هو هدفك في الحياة؟

هدفى
انى احقق كل اللى بتمناه ويبقى ف يوم حقيقه

- ليه عملتى منتدى جديد ؟ ايه السر وراء دا؟

لانى من زمان قوى نفسى اعمله
بس بينى وبينك
انا مبسوطه حاليا بوجودى هنا معاكوا اكتر

ايه عطرك المفضل؟
هما 3 مش واحد بصراحه
كاسيليا وهوجو ديب ريد و نساء العالم

- هل أنت محجبة؟

اكيد طبعا\
بس حجاب بريونى على رأى اخويا

- اذا قدمت لك هدية السفر الى 3 بلدان من اختيارك اين تذهبين؟
لبنان و المغرب وسوريا

- هل أنت مع أو ضد فكرة الزواج من خارج بلدك؟ يعني لو كان عربي(ليس بجنسيتك)قيمفي الخارج و به المواصفات التي تريدينها توافقين أم لا؟
والله لو حبيته وحسيت انه حيقدر يسعدنى وفيه كل المواصفات اللى بتمناها ليه لاء يعنى

شكرا ليكى مرام وشكرا لاسئلتك
والحمد لله قربت اخلص

1- أول قلم شد انتباهك في المنتدى بعد حط رحالك في أرباحك ؟
هما ااتنين بصراحه
مصطفى ( سجان المنتدى سابقا ) حاليا دخوله بقى قليل جدااااااااا
محمد ( مشرف سابق ) كان بيعجبنى قوى ردوده على الاعضاء فى القسم الاسلامى وكنت بخاف منه اصلا

2- اعتذار الرجل للمرأه ذل ام احترام للذات،، هل تنظرين للمسأله بهذا المنظور أنه رجل أم أمرأه ،، بمعنى آخر هل يختلف في ميزانك إعتذار الرجل عن إعتذار المرأة ،، أم تنظرين للأعتذار كردة فعل بادرة من شخص بغض النظر إن كان رجل أم أمرأه ؟>>لا حظي السؤال ينقسم إلى قسمين ..

ايه دا انت توهتنى اصلا انا مش فاهمه بتقول ايه
بس حقول اللى فهمته
اكيد اعتذار الرجل مش بينقص منه بالعكس
انا بشوف ان اى انسان اخطأ لازم يعتذر
ومفيش فرق بقى بين كونه رجل او امرأه


3 - اسقينا بأبيات شعرية من أناملك ..

والله انا تعبانه ومش فايقه
بس زى بعضه حقولك يا سيدى شويه صغنططين

جاءنى صوتك من البعيد
حملته الى مشاعر تنبض
بالشوق ، مشاعر تتعثر بالصمت
كنت وحدى وكل شىء ينطق بعزلتى
وغربتى ، فهتف صوتك . واطل من عمق المسافه
حاملا الى شحنه مضيئه بالامل
صرت ابتسم واضحك واناجى الفرح
الذى انبثق فى اعماقى
فجأه وجدت نفسى فى عالم آخر
فجأه غادرنى الصمت
غادرنى السكون
وصارت اعماقى ثوره شوق وانتظار
غدوت ف المكان ازينه أنثر فيه العطر
لقد قال صوتك انك آت
قال لى ان اللحظات ستنقلك على جناحيها
وتحط بك فى عالمى
وسط اشيائى واحلامى المبعثره
وكلماتى الضائعه
قال لى صوتك اننى حبيبتك
وهذه اللهفة التى غمرتنى
تهمس لك

حبيبى



اشكركم كتير على وجودى معكم وبينكم
ويارب ان شاء الله نفضل كلنا موجودين
وبجد سعدت جدا على الكرسى
العيب الوحيد اللى كان موجود
كان نفسى فى شيكولاته بس مفيش حد جابلى
يلا ربنا يسامحكوا

سلاااااااااام





كانت أسئلتي خفيفة :d جدا والله

al3uon

-------------------------

مساء الخير
مساء النوووووووووور

ازيك ياعنان عامله ايه ؟؟
وحشتني لي زمان ماشفتك
بس الحمدلله جمعنا برنامج التقطيع اقصد برنامج حوار صريح
اهلا عيون انا بخير الحمد لله انتى كمان وحشتينى
طبعا ادخل بالموضوع بسرعه

اوك يلا بينااااااا
اول شي اختي عنان سؤال حيرني كثيراً وهو

ماشعورك اول ماشفتي اسمك نزل في برنامج حوار صريح
وعرفتي انك راح تصيري في غرفة التحقيق <<< اقصد يعني الحلقه الرابعه؟؟
والله عيون كنت مبسوطه كتير لانى حتسأل وانا عارفه ان الاسئله حتدوخنى واهو فعلا حصل ونسيت ارد عليكى

بعدين كم كأس ميه شربتي من لما شفتي اسمك
طلع في البرنامج اللي ربنا يستر ولا نوقع فيه ؟؟
تقريبا شربت 3 لتر
بس مش تخافى
اكيد حتقعى يعنى

وهل توقعتي العضوة الطيبة العيون
ان يدخل ويطرح عليك بعض من الاسئله ..؟؟

بصراحه لاء
على فكره فى ناس توقعت انهم حيسألونى بس مش حصل للاسف

بما اني احب الاكل كثير راح اسالك كم وجبه تاكلي في اليوم ؟؟
انا اوقات كتير بنسى اصلا اكل
يعنى ممكن اقعد يومين مش باكل
وممكن اكل مرتين ف اليوم
ولما بكون فرحانه او زعلانه مش باكل خالص وممكن اقعد كذا يوم
بما ان الجميع يحلم والبعض وصل وحقق احلام كثير والاخر فشل وتوقف والبعض يفشل ويرجع يثابر
ماهو حلمك الذي تودين تحقيقه ومامدي قوة اندفاعك له ؟؟
بحلم انى اسافر
بفكر فيه بجنون طبعا ونفسى يتحقق
وهل لوفشل الحلم هذا راح يكون عندك امل ترجعين تبنين من جديد بقوه وعزيمه مثل الاول؟؟
اكيد
انا من النوع اللى مش بيستسلم او بيحب ييأس
اكيد مادام فيا روح حفضل اسعى لتحقيق حلمى وان شاء الله حوصل وحنجح
,,,,,,,

مع تحيات العيون

شكرا كتير ليكى عيون
وان شاء الله اشوفك هنا على الكرسى قريب

إلى هنا تنتهي حلقتنا الرابعة و ضيفها المميز ..

المشرفة " عنآآن " ..

و بالمتاسبة نهديها الشكولاته و باقة ورد ..








في الحقيقة بعدما قلتي أني مزهقك مكنتش حديلك حاجة

لكن عديتها و بسحب الشكولاته منك بعد توقف التسجيل بالكاميرا


-------------------------------

برنامج حوار صريح جدا ..






فكرة : البروفسير

إعداد و تقديم : la plume

تنسيق : حوار صريح

ضيفة الحلقة : anan

بمشاركة : elnaim - zouhir00 - C.R7 - maram yasmiiiiin - al3uon

شكر خاص ليهم للمشاركة معنا

الإستوديو : نادى أرباحك

إنتاج : أرباحك 2010 ©

____________________________

نلقاكم بحلقة جديدة إن شاء الله و ضيف جديد