الموضوع: شرح وافى وشامل للمؤشرات الفنيه ..........

Tweet

السلام عليكم ورحمه الله وبركاته

ان شاء الله هيتم فى الموضوع ده شرح اهم المؤشرات الفنيه المستخدمه فى تحليل الخرائط البيانيه لحركه الاسعار

وبسم الله نبدأ

المؤشرات الفنيه هى احدى طرق التحليل المستخدمه فى معرفه اتجاه زوج العملات وبالتالى المساعده فى اتخاذ القرار والمساعده فى معرفه الاتجاه القادم هل هو صعود او هبوط واتخاذ قرار بناءا عليه

هنخصص الموضوع ده لشرح اهم المؤشرات الفنيه ( التقنيه) المشهورة والمعروفه عند اغلب المتداولين........

المؤشرات : هى عمليات حسابيه على حركه السعر السابقه لمقارنتها بالسعر الحالى وتوقع الاتجاه القادم

ايه يعم الكلام المقعد ده !!!!! متقلقوش الكلام ده هيتفسر مع شرح كل مؤشر لوحده

اولا مؤشر معدل التحرك: Moving averag

هو مؤشر مشهور جدا ومن اكتر المؤشرات استخداما وهو مؤشر بيبن معدل السعر خلال فترة زمنيه يقوم التاجر بتحديدها وبعطيه انطباع مستقلبى عن مدى صعود او هبوط زوج العملات فمثلا
عند ارتفاع السعر فوق هذا المؤشر فهذا يعطى دليل على ان هناك طلب متزايد على العمله والتوجه لشرائها
كمان لما السعر يهبط تحت المؤشر يعطى دلاله ان الطلب قل على العمله وبالتالى توجهات البيع هى الافضل
مرفق صورة من الشارت ( خريطه السعر البيانيه ) وعليها المؤشر

يتبع ان شاء الله ........
Alex

السلام عليكم ورحمه الله وبركاته

نستكمل مع بعض .....

كنا اتكلمنا فى المرة الى فااتت عن مؤشر الموفنج افريج واخدنا نبذه بسيطه عنه وهنستكمل شرحه النهاردة بأذن الله عز وجل

انواع الموفنج افريج :

1- معدل الحركة البسيط Simple moving average - SMA
2- معدل الحركة المركب Exponential moving average -EMA
3- معدل الحركة الثقيل Weighted moving average - WMA
طيب ممكن حد يسال استخدم اى نوع واى نوع افضل
الاجابه بكل بساطه ان لكل واحد طريقه يفضلها ونوع محدد يفضله فى المساعدة على التحليل
ويوجد متداولين يجمعو بين اكتر من نوع على الشارت ليصلو ل افضل نتيجه
المهم هى التجربه والممارسه هى اقرب طريق للفهم الصحيح وللاختيار المناسب .

ثانيا: مؤشر الماكد دى Macd

اسم المؤشر Moving Average Convergence Divergence
هو مؤشر على شكل خط يصعد ويهبط فوق نقطه الصفر يعنى اذا كان الخط ده فوق الصفر فده معناه توجه السوق والسعر للصعود ويعنى الاستعدداد لعمليات الشراء
اما اتجاهه تحت الصفر فيعنى ان السوق يستعد لحاله نزول سعر العمله وبالتالى الاستعداد لعمليات البيع .
يعنى يجماعه خلو الموضوع سهل Keep it simple
انا محبتش فى شرح المؤشرات ادخل فى برمجه المؤشر وارقام برمجته لانها ممكن تكون صعبه على بعض الاخوة وهى مش مفيدة بدرجه كبيرة انك تعرف برمجه المؤشر المهم هو معرفه كيفيه استخدامه وامتى تبيع وامتى تشترى بناءا عليه .

ثالثا: مؤشر RSI

هو مؤشر بيقيس مدى زخم السوق يعنى مدى قوة اتجاه الصعود او اتجاه الهبوط
بمعنى تانى هو مؤشر بيقلك اذا كان اتجاه الصعود قوى فتقدر تشترى ولا لآ
واذا كان اتجاه الهبوط قوى فتقتدر تبيع ولا لآ
بيتكون المؤشر من خط يتراوح قيمته ما بين الصفر وال 100
مثلا وصل خط المؤشر للنقطه 30 فمعنى كدا ان السعر هبط كثير جدا وان السوق الان بيستعد للارتفاع فممكن تشترى من هنا وبتسمى المنقطه دى Over sold يعنى بيقلك خلاص السعر وصل ل اقل منطقه واحتمال نزوله بقى ضعيف فتستعد للشراء .

ولو وصل السعر للنقطه 70 فمعنى كدا ان السعر وصل لمنطقه القمه واحتمال صعوده بقيت قليله ووصل لمنطقه التشبع والى تسمى Over bought يعنى السوق بدات حركه الشراء فيه تقل فتستعد للبيع .
ان شاء الله يكون الشرح سهل وبسيط ولو اى حد عنده اى سؤال او استفسار ميتترددش ابدا وبأذن الله هجاوب عليه , وخليكو ديما فاكرين شعارنا keep it simple

يتبع ان شاء الله ........
Alex

السلام عليكم
في الحقيقة الموضوع مهم على ما يبدو
لكنه معقد وصعب للمبتدأين امثالي .. اليس كذلك ؟

ساحاول قرائته مرتين او ثلاث ربما استخلص في النهاية شيء يفيدني

المشاركة الأصلية كتبت بواسطة عراقي انا

السلام عليكم
في الحقيقة الموضوع مهم على ما يبدو
لكنه معقد وصعب للمبتدأين امثالي .. اليس كذلك ؟

ساحاول قرائته مرتين او ثلاث ربما استخلص في النهاية شيء يفيدني

وعليكم السلام ورحمه الله وبركاته
تحياتى لك اخ عراقى
نعم الموضوع مهم جدا وهو اساسيات يرتكز عليها العمل فى سوق الفوركس
ولكنه مش صعب ابدا واقراه مرة واتنين واسئل كما تحب هتلاقى الاجابه بأذن الله

السلام عليكم ورحمه الله وبركاته

نستكمل مع بعض.....

اتكلمنا عن مؤشر الموفنج افريج ومؤشر الماكد ومؤشر RSI

هنستكمل النهاردة شرح المؤشرات الاساسيه والمشهورة لدى اغلب المتداولين

رابعا مؤشر الستوكاستيك

هو مؤشر يقيس زخم الحركه بقياس الاغلاق للعمله مقارنهمع اعلى سعر وادنى سعر خلال فترة يقوم التاجر بتحديدها كيفما شاء

المؤشر بيتكون من خطين d &k وتقاطع الخطين سويا بيشير الى الهبوط او الصعود حسب اتجاه التقاطع

ويظهر المؤشر اسفل الرسم البيانى كما فى الصورة

وهو مؤشر مشابه كثيرا لمؤشر الماكد الذى تم شرحه بالاعلى

خامسا: مؤشر البارابوليك سار(PARBOLIC SAR

هو مؤشر يقيس مدى احتمال تغير السعر ويستخدم فى الخروج من الصفقات ويظهر على شكل نقط فوق الشموع يدل على بدايه الهبوط والخروج من الشراء
ويظهر تحت الشموع وهنا يكون بدايه الصعود ونهايه البيع

كما فى الشكل التالى

ملاحظه : لا يجب الاعتماد الكلى على مؤشر واحد لازم يكون نظرة شامله للعمله واتجاه تحركها

يتبع ان شاء الله ......

Alex

المشاركة الأصلية كتبت بواسطة yasersafe

كان لى سؤال بعد الشرح الرائع
ما هى اكثر المؤشرات اللى ممكن اعتمد عليها
انا شايف ستو ساتك والبولينجر وال rsi مع بعض
ممكن يدونى نتائج جيدة
ما هو رايك اخى alex؟

ما شاء الله اختيار موفق
الماكد من اقوى المؤشرات واغلب المتداولين الكبار يعتمدوا عليه
بالنسبه للمؤشرات الى ذكرتها جيدة وممكن يعطو نتائج جيدة ايضا البولنجر باند مع مؤشر rsi (حاول التوافق بينهم) ويوجد استراتيجيات تعتمد عليهم ان شاء الله نعرضها فى اقرب وقت .