الموضوع: سلسله تعلم معى.... الدرس الثانى(تحليل الرسم البيانى).

Tweet

المشاركة الأصلية كتبت بواسطة hiy

السلام عليكم ورحمة الله
stochastic هل هذا المؤشر يساعد في الصفقات الصغيرة و يمكن الاعتماد عليه ام لا ؟؟
شكرا لك اخي على هذه المواضيع القيمة

وعليكم السلام ورحمه الله وبركاته
مؤشر الاستو كاستيك يعتبر من مؤشرات التشبع التى تبين تشبع السوق سواء بالشراء او بالبيع لذلك اخى انصحك بان تعتمد عليه فقط للاسترشاد ولتبيان اذا كان هناك تشبع شرائى او بيعي
بمعنى اخر ان تستخدمه كاداة مساعده فقط
بالتوفيق ان شاء الله

المشاركة الأصلية كتبت بواسطة yasmiiiiin

ياااااه

أنا فعلا خسرت كتير لأني ما قرأتش الدروس دي قبل كده

مشكلتي كانت إن المواضيع كتير و متنوعة و ما كنتش عارفة أبدأ منين

و دلوقت بس بدأت الصورة توضح

..

أنا طبقت الواجب العملي ورسمت ترند صاعد وترند هابط

يا ريت تصححه و تقولي ملاحظاتك

الترند الصاعد

الترند الهابط

الله ينور برافووووووووو عليكى يا ياسمين
ما شاء الله رسم كويس جدا استمرى كدا وان شاء الله هتنافسينا فى المنتدى
فى استراتيجه اسمها الترند المكسور موجوده فى منتدى الانظمه ممتازة جدا ياريت تشوفيها
ايييوة عاوزين شغل بجد
ربنا يوفقك

المشاركة الأصلية كتبت بواسطة yasmiiiiin

ربنا يخليك يا عمرو

و الله كلامك شجعني جداً

أنا بجد نفسي أتعلم الفوركس صح

عشان كده وقفت المتاجرة في حسابي الحقيقي

و حتاجر بس في الديمو لغاية ما آخد فكرة كويسة عن طرق التحليل

و كيفية استعمال المؤشرات و الإستراتيجيات

لكن كنت عايزة أسألك عن بقية الدروس

نقاط الدعم والمقاومة support and resistance
الأشكال patterns
عزم حركة السعر over buy over sell

دورت عليها لكن للأسف ما لقيتهاش

بالنسبة لنقاط الدعم والمقاومة قرأت عليها شوية لكن لسة مش عارفة إزاي أحددها كويس

لكن الأشكال و عزم حركة السعر ما عنديش عنهم أي فكرة

يا ريت لو تكمل السلسلة

حتلاقيني دايما متابعة معاك و باطبق كل الواجبات

شكراليكيى يا ايسمين
ان شاء الله هنكمل السلسله ويتم شرح المقاومه والدعوم وكل ما يتعلق بالتحليل الفنى ..لكن اهم درس دلوقتى واول درس هو تحديد الاتجاه او الترند اتدربى عليه كويس وعلى استراتيجيه الترند المكسور
بالتوفيق ان شاء الله

انا جربتها وباذن الله تمشى معانا صح بس فى سؤال ممكن السعر يكسر خط الترند ويعاود للاول تانى يعنى يرجع للصعود رغم كسره هل ده ممكن يحصل

المشاركة الأصلية كتبت بواسطة أحمدالدولى

انا جربتها وباذن الله تمشى معانا صح بس فى سؤال ممكن السعر يكسر خط الترند ويعاود للاول تانى يعنى يرجع للصعود رغم كسره هل ده ممكن يحصل

ايوة ممكن يحصل عشان كدا لازم نقوم بتحليل الفريمات الكبيرة والتاكد اننا ضمن الاتجاه الصحيح للزوج
بالتوفيق

المشاركة الأصلية كتبت بواسطة loma

انا حددت النقتطين تمام بس الخط بحاول اني اوصله بين النقطتين دايما بيكون الخط اقصر من انه يوصل للنقطتين وده علي فريم النص ساعه

اهلا بيك اخى
لا الخط مش قصير ولا حاجه
اضغط عليه ضغطتين متتالييتن وحركه بالاتجاه وبالطول الى تحبه
بالتوفيق