LinkBack URL
About LinkBacks
السلام عليكم ورحمة الله وبركاته
طبعا لا يخفى على أى منكم ما حدث من توقف للمنتدى خلال عدة أيام.
أحببت فقط مشاركتكم لما كان يحدث من مشاكل معى.
بدأت المشكلة من شركة الاستضافة السابقة حيث وجدت أن حسابى متوقف عدة مرات خلال يوم. طلبت منهم استرجاعه وبعد رسائل عديدة تم الاسترجاعو الايقاف عدة مرات فى نفس اليوم. وفى النهاية أبلغونى أن منتديات أرباحك تستهلك موارد عالية جدا وتؤثر على باقى الأشخاص على السيرفر.
بحثت عن عدد الأعضاء فى المنتدى فى ذلك الوقت لم أجد ما يتعدى 20-30 عضو وطبعا مستحيل عدد الأعضاء ده يسبب المشكلة دى كلها. طلبت منهم تفاصيل زيادة زى ايه بالظبط اللى بيستهلك موارد محدش رد عليا.
تانى يوم لقيتهم وقفوا المنتدى تانى راسلتهم قالولى نفس الكلام وقالولى يا تاخد الموقع ده لمكان تانى يا تاخد سيرفر مخصوص عندنا. فعرفت ان الموضوع لا يعدوا محاولة ابتزاز.
فى نفس اليوم حجزت سيرفر خاص بالفعل ولكن فى شركة أخرى كبيرة ومتخصصة وقديمة جدا فى هذا المجال حتى لا يكون هناك مجال جديد للمشاكل. وطلبت من الشركة السابقة ارجاع الحساب لكى أنسخ الملفات وقاعدة البيانات رفضوا وقالولى هما حيعملوا منها نسخة ويبعتولى. قولت مش ملكة المهم أخد النسخة.
وعلى هذا الكلام من حوالى اسبوع .... كل يوم أبعت 2-3 ايميل ... وأكلمهم مرة فى التليفون وأعمل شات معاهم على الموقع ومفيش فايدة ومحدش راضى يقولى ممكن الموضوع ده ينتهى امتى.
طلبت منهم أكثر من مرة يرجعوا الموقع لأنى خلاص نقلت الدومين على السيرفر الجديد يعنى مفيش مجال ان حد يعرف يدخل الموقع أساسا على سيرفرهم ... مفيش فايدة برضه.
وأخير من يومين حد رد عليا وقالى بكره الصبح أول حاجه حنعملها الباك أب ... قولت طيب كويس
تانى يوم عدى وكالعاده كلمتهم ... لسه شوية
تالت يوم أخير قالولى بننسخها دلوقتى !
6-7 ساعات ومفيش رد بعتلهم تانى قالولى قربنا نخلص !!
امبارح الساعه 9 ونص بعتولى اميل ان أخير نسخوها وبعتولى الرابط أنزلها جيت أنزلها لقيت الرابط مش شغال !!
الناس دى كانت مستقصدانى باين بعتلهم تانى بعتلولى الرابط الصحيح والحمد لله حملتها ونزلتها على السيرفر الجديد وبكلمكم منها دلوقتى :d
أعتذر للجميع عن فترة التوقف هذه وكما ترون فلم أقصر فى شئ والله. والحمد لله اننا أخيرا رجعنا تانى للمنتدى.
شكرا لكم ودعواتكم ويارب ما حد يشوف هذا الموقف أبدا.
وبالتوفيق للجميع.
